لاہور(پی کے نیوزلائن): پاکستان الیکشن کمیشن کے غیر حتمی اور غیر سرکاری نتائج کے مطابق پی ٹی آئی نے قومی اسمبلی کی چار جبکہ ن لیگ نے تین سیٹوں پر برتری حاصل کرلی ہے.
الیکشن کمیشن نے قومی اسمبلی کی گیارہ سیٹوں میں سے دس کا اعلان کردیا ہے. نتائج کے مطابق پی ٹی آئی نے چار، ن لیگ نے تین، ق لیگ نے دو اور متحدہ مجلس عمل نے ایک سیٹ پر کامبیابی حاصل کی ہے.
پنجاب میں 15 نشستوں پر ہونے والے ضمنی انتخابات میں سے چھ نشستیں مسلم لیگ نواز، پانچ پاکستان تحریک انصاف جبکہ دو آزاد امیدواروں نے جیتی ہیں۔
خیبر پختونخوا میں نو نشستوں پر ووٹنگ ہوئی جن میں سے چھ سیٹیس پاکستان تحریک انصاف جبکہ دو نشستیں عوامی نیشنل پارٹی جبکہ ایک نشست پاکستان مسلم لیگ نواز نے حاصل کی ہے۔
سندھ اسمبلی کے دونوں حلقوں میں پاکستان پیپلز پارٹی کے امیدواروں نے کامیابی حاصل کی ہے۔
بلوچستان میں صوبائی اسمبلی کی دو نشستوں میں سے ایک کے نتیجے کا اعلان کیا گیا ہے جس پر آزاد امیدوار نے کامیابی حاصل کی ہے۔
یہ وہ نشستیں ہیں جن پر مختلف وجوہات کی بنا پر انتخابات ملتوی ہوئے یا پھر ایک سے زائد نشستوں سے کامیاب ہونے والے امیدواروں کو چھوڑنا پڑیں۔
