کراچی: اوپن مارکیٹ میں ڈالر کی قیمت میں ایک بار پھر اضافہ دیکھنے میں آیا ہے جس کے بعد ڈالر کی قیمت 151 تک پہنچ گئی ہے۔
ڈالر کی قیمت میں ایک بار پھر اضافہ دیکھنے میں آیا ہے اور اوپن مارکیٹ میں 3روپے اضافے کے بعد ڈالر کی قیمتِ فروخت 151 روپے تک پہنچ گئی ہے جب کہ انٹربینک مارکیٹ میں ڈالر 2.40 روپے مہنگا ہوگیا ہے۔
دوسری جانب عید تعطیلات کے بعد کاروباری ہفتے کے آغاز پر پاکستان اسٹاک ایکسچینج میں مندی دیکھنے میں آئی اور 409 پوائنٹس کی کمی سے انڈیکس 35 ہزار 95 پوائنٹس کی سطح پر آگیا جب کہ کچھ ہی دیر بعد 100 انڈیکس میں 758 پوائنٹس کی کمی دیکھنے میں آئی اور انڈیکس 34700 پوائنٹس کی سطح پر آگیا۔
