ساہیوال (بیورو رپورٹ) سٹی پریس کلب رجسٹرڈ ساہیوال کا اھم اجلاس زیرصدارت چیئرمین عرفان بشیر چوھدری اور صدر حاجی وقار یعقوب کیمپ آفس پریس کلب میں منعقد ہوا۔ جس میں عہدیداران سمیت ممبران پریس کلب کی کثیرتعدادنے شرکت کی۔ اجلاس میں گزشتہ سال کی کارگردگی رپورٹ، کلب کی صحافیوں کے لیے کی گئی ویلفیئر سرگرمیوں سمیت صحافتی احباب کی فلاح و بہبود کے لیے قائم کی گئی مختلف کمیٹیوں کے عہدیداران کا اعلان کیا گیا۔
مزید میڈیا نمائندگان کے لیے سرکاری طور پر مختص سرکاری بلڈنگ میں سٹی پریس کلب رجسٹرڈ ساہیوال کے دفتر کے حصول کے لیے وزیر اعلی پنجاب، گورنر پنجاب و چیف سیکرٹری سمیت صوبائی و سنٹرل انفارمیشن ڈیپاڑمنٹس کو لکھے گئے خطوط و مثبت محکمانہ جوابات سمیت مستقبل کی پیشرفت کے حوالے سے معزز ممبران کو آگاہ کیا گیا۔ اور کلب میں نئے آنے والے ممبران کو خوش آمدید کہا گیا۔
اجلاس سے خطاب کرتے ہوئے چیئرمین پریس کلب عرفان بشیر چوھدری نے کہا کہ میں اور صدر حاجی وقار یعقوب دیگر صحافتی لیڈران کے ہمراہ ورکنگ صحافیوں کے حقوق کی جنگ لڑرہے ہیں۔ مگر ورکنگ صحافیوں کو اپنے حقوق کیلئے اکھٹا ہونا ہو گا ورنہ گزشتہ ادوار کی طرز پر آئندہ بھی نظراندازہوتے ہوئے ظلم کا شکار رہیں گے۔
