ساہیوال (آن لائن) بلدیاتی اداروں کی بحالی کے لیے سپریم کورٹ آف پاکستان میں پٹیشن دائر کرنے والے سابقہ میئر ساہیوال اسد خان بلوچ نے پریس کانفرس کرتے ہوئے کہا ہے کہ سپریم کوٹ نے پنجاب کے بلدیاتی اداروں کو فوری طور پر بحال کرنے کا حکم دیا ہے. چیف جسٹس صاحب اور معزز ججز نے ریماکس دیے ہیں کہ عوام نے بلدیاتی نمائندوں کو پانچ سال کے لیے منتخب کیا تھا جس کو ایک نوٹیفیکیشن کے ذریعے بلدیاتی ایکٹ کے سیکشن نمبر 3 کو آئین سے متصادم قرار دیتے ہوئے اسکو ختم کرنے کی اجازت نہیں دے سکتے.
مئیر ساہیوال نے کہا کہ ہمارا کیس ڈیڑھ سال سے پینڈنگ چلا آرہا تھا جس کی شنوائی کرتے ہوئے آج ہمیں ہمارے حقوق دے دیے گئے ہیں. میں چیف جسٹس آف پاکستان کا مشکور ہوں جنہوں نے آج تاریخی فیصلہ دیکر عوامی نمائندہ کو انکا حق دیا. میری کسی سے ذاتی رنجش نہیں جو دوست مجھ سے ناراض ہیں میں انکے پاس جاکر انکو مناؤں گا. ہم سب ملکر ساہیوال کو خوبصورت اور صاف ستھرا بنانے میں اپنا بھرپور کردار ادا کریں گے۔
